قصيدتي اليتيمة والوحيدة التي كتبتها باللهجة العراقية المحكية :
كتبت هذه القصيدة في عام 1960
إلمن سهرْنَه الليل واحرگنه العمر
واگضينا بالحســــرات أيام الهجـر
چنا حبايب يـــــــــا حبايب بالزغر
نگطع ورد ونسوي گعده من عطر
ونسيس ابلام الهـوى بعرض النهر
ونسـطر سواليف بايـــام المــــــطر
نضحك ،نعد انجوم ونحاچي الگمر
گِل الأهلنا ياگمر حضـــــرو الشمع
فرشوا الصوانـي بالهلاهل والزرع
وتراكضن نهدات وحشـــــه يا ربع
وسمعنه شالوا رِكبَو بريل الدمـــــع
نهد وگصايب ما بچن من هجرن البصره
خلّن وراهن طبعة الفنجان بالحمره
وتونّسي بالليل يـامخده بفرد حجره
وانه بجكاير امسح الدمعات والحسره
وأعتب عليهن لو ترد اردود هالسمره
