1
ياساري الليل ودّيهم ورد ودّنا
أحنه عله حبهم أبد اللي ابتعد ودنا
تطفی الشمس نارَها ونشعلها من ودّنا
وفی ودِّنا احتار کل صاحب غرام وهوى
والنجم من ودِّنا ودع مداره وهوى
كل حچی الحباب بالتالی ریاح وهوى
بس حچینا بودنا مالي الأرض والدنى
2
كل الوصف غاب من ردته بوصف ولفي
تايه بالشواگ ماعدت استچن ولفي
کل یوم اگول الگلب تاب وهجع ولفي
طير الكَلب شاه بشتات الأرض بصره
وضيَّع طريجه ونويته وحكمته وبصره
ياساري الليل عبّرني لطرف بصره
أرد اهجع هناك مابين النخل والفي
*
كتبتُ هذه الزهيريات في صيف العام 1996 في دمشق وألقيتها على مسامع الجمهور العراقي والسوري من ضمن ماألقيت في الأمسية الشعرية المشتركة مع الأخ الشاعر احمد عبد الحسين والتي أقامها لنا المنتدى الثقافي العراقي في دمشق في صيف نفس العام .
