استهلال : الشاعر الذي أرثيه اليوم قلت عنه في حياته بأنه أفضل شاعر عربي معاصر الّا انه يكتب الشعر باللهجة الشعبية العراقية، وقد وثَّقتُ هذا القول
أريد أرثيك يا عريان بالشعبي
يبن نهري ودياري وموطني وشعبي
اذا وادي چنت : عبقر وشِعره جنون
وأِن چنت الجبل : يبقى النظر يصْبي
يا نجم الشعر عالي وفريد النور
وعلى دربه النجوم عيونهن تربي
انته اجمل قصيدة انكتبت بْمايينْ
بْمَي دجله وفرات، ومايْهِن يسبي
نخيل وشط عليه غصون من رمّان
مالت، والمحب ايصيح يا ربي
يبن غرّاف دجله الغرف حتى يجود
ويزود حدود حاتم، والكرم عُرْبي
ياعريان يلثوبك حرير وماس
وبفقرك ثراءك، والفقر نسبي
ما قيمة قصور وذهب للتجار
لو شب الابن بالعار متربي
ــــــــــــــــــــــــــــــــــــــــــــــــــــــــــــ
ملاحظة : زمان ومكان كتابة هذه القصيدة : اليوم السادس من كانون الأول 2018 في برلين، بعد وفاة الشاعر عليه الرحمة بيوم واحد
